Արև
(տեղեկատվական)
Ամեն օր Արևը դուրս է գալիս, ու լույսը բացվում է, իսկ երբ մայր է մտնում, օրը մթնում է: Իրականում մեր երկրագունդը պտտվում է Արևի շուրջը, և Արեգակն է լուսավորում Երկիրը: Արևը նաև տաքություն է տալիս մեզ: Այն շիկացած գունդ է. նրա վրա ամեն ինչ հալված եռում է: Եթե Արեգակը չլինի, Երկրի վրա ամեն ինչ կսառչի: Ե՛վ բույսերը, և՛ կենդանիները, և՛ մարդիկ չեն կարողանա ապրել առանց լույսի և ջերմության, ինչպես և` առանց օդի:
Ուրեմն առանց Արևի Երկրի վրա չի կարող կյանք լինել:
Երբ մեզ մոտ մութ է, Արեգակը երկրագնդի հակառակ կողմն է լուսավորում: Բայց այդ ժամանակ իր լույսը տալիս է լուսնին, Լուսինն էլ փոխանցում (անդրադարձնում) է մեզ, և գիշերը սարսափելի խավար չի լինում:
Հարցեր և առաջադրանքներ
- Դուրս գրիր անծանոթ բառերը և էլեկտրոնային բառարանի օգնությամբ բացատրի՛ր:
շիկացած – վառվող
խավար – լույսի բացակայություն, բացարձակ մթություն
2․ Գրի՛ր հոմանիշ բառեր.
Արեգակ – արփի, արև
Ջերմություն – տաքություն
Խավար – մութ
3․ Գիշերը երկնքում ի՞նչ ես տեսնում:
Սև երկինք, ամպեր, աստղեր։
4․ Լուսինը երկնքում ի՞նչ է անում:
Լուսավորում է։
5․ Աստղերը երկնքում ի՞նչ են անում:
Փայլում են։
6․ Շարունակի՛ր.
Իրականում մեր երկրագունդը պտտվում է Արևի շուրջը, և Արեգակն է լուսավորում Երկիրը:
Եթե Արեգակը չլինի, Երկրի վրա ամեն ինչ կսառչի:
Երբ մեզ մոտ մութ է, Արեգակը երկրագնդի հակառակ կողմն է լուսավորում:
7․ Նամակ գրի՛ր արևին: